PSİXOLOJİ NƏFƏS DARLIĞI VƏ ÜRƏK DÖYÜNTÜSÜ HİSS ETMƏK

psikolojik-nefes-darligiTəngnəfəslik və ürək döyüntüsü kimi simptomlar insanlarda çox vaxt infarkt, ürək dayanması, boğulma və ya digər mühüm xəstəliklər kimi narahatlıq yarada bilər. Dərin nəfəs ala bilməmək, rahat nəfəs ala bilməmək, təngnəfəslik və səbəbi bilinməyən ürək döyüntüsü kimi səbəblərdən yaranan narahatlıq, birdən çox həkim, müayinə və qiymətləndirmə üçün həftələr, hətta aylarla yorucu proseslərə səbəb ola bilər. Fiziki müayinələr heç bir problem aşkar etməsə də, bu davamlı simptomlar heç bir şeyin səhv olmadığına əmin olmağı çətinləşdirir və təkrar xəstəxanaya müraciətlərə səbəb ola bilər. Çox vaxt anksiyete pozuntuları ilə əlaqələndirilə bilən bu vəziyyətdə düzgün mütəxəssislərdən dəstək almaq vacibdir. Bu yazıda psixoloji təngnəfəslik və anksiyete arasındakı əlaqə və hansı mütəxəssislərə müraciət etməli olduğunuz haqqında məlumat tapa bilərsiniz.

ANKSİYETE ƏLAMƏTİ OLARAQ TƏNGNƏFƏSLİK VƏ ÜRƏK DÖYÜNTÜSÜ

Təngnəfəslik və ürək döyüntüsü kimi fiziki olaraq konkret və narahatedici simptomlar yaşamaq üçün fiziki sağlamlıq probleminin olması şərt deyildir. Təngnəfəslik, nəfəs darlığı, dərindən nəfəs ala bilməmək hissi və ürək döyüntüsü anksiyetenin ən çox görülən əlamətləridir. Fiziki müayinədə heç bir problemi olmayan insanların bu əlamətləri anksiyete ilə izah edilə bilər.

Təngnəfəslik, nəfəs darlığı,  dərindən nəfəs ala bilməmə və ürək döyüntüsü uzun müddətli, təkrarlandıqda və şiddətli olduqda insanlar bu əlamətlərin psixoloji olduğuna inanmaqda çətinlik çəkirlər, belə fiziki əlamətlərin mütləq bir xəstəliklə əlaqəli olduğunu düşünürlər. Ancaq bu ağır fiziki simptomlar psixoloji mənşəli ola bilər.

DƏRİNDƏN NƏFƏS ALA BİLMƏMƏ NECƏ PSİXOLOJİ OLA BİLƏR?

Duyğularımızın bədənimizə təsiri var. Bu təsir emosiyalarımızın intensivliyindən asılı olaraq arta və ya azala bilər. Məsələn, bir şey bizi qorxutduqda ürəyimiz döyünməyə başlayır və bu hiss gücləndikdə ürək döyüntüsü, qızdırma, nəfəs darlığı kimi əlamətlərlə özünü göstərə bilər.

Təngnəfəslik və ürək döyüntüsünə qarşı həssaslaşdığımız zaman nəbzimizi və nəfəsimizi hər an yoxlayırıq, hər dəfə özümüzə nəzarət etdikdə bunu təşvişlə edirik və bu proses uzananda narahatlığımıza çarəsizlik əlavə olunur. Beləliklə, təngnəfəslik, nəfəs darlığı, dərindən nəfəs ala bilməmə və ürək döyüntüsü kimi simptomları hər zamankindən daha tez-tez yaşayırıq.

ANKSİYETEYƏ GÖRƏ TƏNGNƏFƏSLİK VƏ ÜRƏK DÖYÜNTÜSÜ ZƏRƏR VERİR Mİ?

Anaksiyeteyə görə təngnəfəslik və ürək döyüntüsü hissi bədənimizə zərər vermir. Ürək xəstəliyimiz yoxdursa, ürəyimiz üçün risk yaratmır. Ancaq yaşadığımız anksiyete həyat keyfiyyətimizə ciddi şəkildə mənfi təsir göstərir. Bir çox insanlar idmanla məşğul olmaqdan, məşq etməkdən, müəyyən yerlərə getməkdən çəkinirlər. Gün ərzində davamlı olaraq nəbzimizi və nəfəsimizi yoxladığımız üçün diqqətimizi başqa şeylərə yönəltməkdə çətinlik çəkirik, funksionallığımız pozulur, ikitərəfli münasibətlərimizdə problemlər başlaya bilər.

TƏNGNƏFƏSLİK VƏ ÜRƏK DÖYÜNTÜSÜ NECƏ KEÇİR?

Təngnəfəslik və ürək döyüntüsü anksiyete əlaməti olduğundan, vəziyyətə bütövlükdə baxmaq və müdaxilə etmək lazımdır. Panik ataklar, gözlənilən anksiyete və çəkinmə bir bütün olaraq nəzərə alınır. Bu səbəbdən belə hallarda mütləq psixi sağlamlıq mütəxəssisindən dəstək almaq lazımdır. Xüsusilə psixoterapiya anksiyete pozukluğu və panik ataklarda çox məhsuldar nəticələr verir.

PSİXOLOJİ TƏNGNƏFƏSLİK ÜÇÜN HANSI MÜTƏXƏSSİS İLƏ MƏSLƏHƏT EDİLMƏLİDİR?

Fiziki müayinəniz nəticəsində səhhətinizdə heç bir problem olmadığı anlaşıldısa və simptomlarınızın anksiyete-panik atak kimi psixoloji faktorlarla əlaqəli ola biləcəyi ifadə edildisə, belə halda psixoloqla danışmağınız faydalı olar. Psixoterapiya tətbiqləri, yaşadığınız vəziyyəti daha yaxşı başa düşməyinizə və köhnə həyatınıza qayıtmağınıza kömək edə bilər. Bu mövzu ilə bağlı istəyirsinizsə, Nora Psixologiyanın anksiyete pozuntuları sahəsində  təcrübəli psixoloqlarından üzbəüz və ya onlayn terapiya vasitəsilə dəstək ala bilərsiniz.